آغاجلار سولورلار سئوگیلیم
آغاجلاری کسه کسه
سولدورورلار
سئوگیلیم
آرتیق
آغاجلارین بوداقلاریندا
باهاری گؤرمه یه
اومودلو دئییلم
سئوگیلیم
گل
گؤزلرینله منه باخارکن
یئنی دن
باهارلاندیر
اومودلاریمی
... سئوگیلیم
شعر: اورمولو تورکان

طالئعيمه باخ

دوشونجه‌لريم ياساق

دويغولاريم ياساق

گئچميشيمدن سؤز آچماغيم ياساق

گله‌جه ييمدن دانيشماغيم ياساق

آتا-بابامين آدين چكمه‌ييم ياساق

آتامدان آد آپارماغيم ياساق

..بيليرسن؟

آنادان دوغولاندا بئله

اؤزوم بيلمه يه ـ بيلمه يه

ديل آچيب دانيشديغيم ديلده

دانيشماغيم دا ياساق ايميش، ياساق


بولود قارا چورلو

سو دئیبدیر منه اولده آنام...
"سو"دئییبدیر منه اولده،انام اب کی،یوخ
"یوخو"اویرتدی اوشاقلیقدامنه،خواب کی،یوخ
ایلک دفعه کی،"چورک"وئردی منه نان دئمه دی
ازلیندن منه "دوزدانه"، نمکدان دئمه دی
انام ،اختر دئمه یبدیرمنه،"اولدوز "دئییب او
سو دوناندا،دئمه ییب یخدی بالا،"بوز"دئییب او
"قار" دئییب ،برف دئمه ییب،دست دئمه ییب"ال"دئییب او
منه هئچواخت بیا سویله مه ییب،"گل"دئییب او
یاخشی خاطیرلاییرام،یاز گونو اخشام چاغی لار
باغچانین گون باتانیندا کی،ایلیق گون یاییلار
گل:-دئیه ردی،-داراییم باشیوی ای نازلی بالام!
گلمه سن گر،باجیوین استاجا زولفون دارارام
او دئمه زدی کی ،-بیا شانه زنم بر سر تو
گر نیایی بزنم شانه سر خواهر تو
بلی،داش یاغسادا گویدن،سن او سان من ده بویام
وار سنین باشقا انان،واردی منیم باشقا انام
اوزومه مخصوص اولان باشقا ائلیم واردی منیم
ائلیمه مخصوص اولان باشقا دیلیم واردی منیم
ایسته سن قارداش اولاق،بیر یاشایاق،بیرلیک ائدک
وئریبن قول-قولا،بوندان سورا بیر یولدا گئدک
اولا،اوزگه کولک لرله گرک اخمایاسان
ثانیا،وارلیغیما،خالقیما خور باخمایاسان
یوخسا گر زور دئیه سن ملتیمی خوار ائده سن
گون گلر،صفحه چونر،مجبور اولارسان گئده سن
شعر: پروفسور محمد تقی زهتابی

«آيريليق»
نازلي يار عشق اودونا بيرده آليشديم
يئنه جانان لا كوسوب قم له باريشديم
بيرده او دورنا گؤزون گؤرمگينه جانلا چاليشديم
يئنه ده قان لا قاريشديم
يئنه كؤنلوم نه اولوبدور توتولوبسان
هانسي ليلا ساياغا مجنون اولوبسان ، وورولوبسان
ندي دردين نيه بس قانلا دولوبسان؟
يار تك ، سنده اورك ، آتما مني
بير خومارگؤز مارالين قايغي سينا ساتما مني
سنده جانان كيمي آلداتما مني
قم ايله ، ماتم ايله قاتما مني
يئتر آغلاتما مني .
نه اولار سنده بيرآز مهر و محبت گؤره سن؟
ديل بيلن يارين اولا ، شوق ايله نازين چكه سن؟
يار سنين يارين اولا ، او قارا زولفون هؤره سن؟
بو قدر آغلاماييب بير گوله سن؟
دونن آخشام يئنه گئتديم گؤرم او نازلي ياري
وعده وئرميشدي گله بيرده باري
نئجه اود ووردو منه او گؤروشون اينتيظاري
گلمه يين گئتمه يه قاتدي دلي كؤنلوم نيگاري
بيرده باخدي اوزومه ايسته دي گئتسين
دؤزمه دي سؤزلريمي كاميل ائشيتسين
نه اولوردو او منيم حاليمي بيلسين.
بير قدم گوتدو چاغيرديم:
نه اولور گئتمييه سن
مني ترك ائتميه سن
دؤندو باخديم اوزونه
دوشدو يالوارماغا ديل، آغلاماغا گؤز
گئتمه بير دؤز
سنه يالوارميرام، آمما
بونو يالوارماق حئسابلا
اوخ اولوب باغريما باتما
مني آتما.
دؤندو تحقير ايله باخدي
قم اوخون قلبيمه تاخدي
كؤنلومو اودلادي ياخدي
دئدي:آخير نه دئييم باشقا ياريم وار
سنه من سؤز وئره بيلمم، اؤزومون سؤز وئرنيم وار
نه يامان وئردي جواب او سؤزومه
بير زامان چيخديم اؤزومدن ، يئنه گلديم اؤزومه
اوندا بيلديم كي گئديبدير او گوزل ياريم اليمدن
نئجه اينصاف ائلدي او آييران جاني تنيمدن
ايكي ال بير باشيم اولدو
ائله بيل يوز ياشيم اولدو
بوغازيم توتدو قهر، باتدي سسيم
ائله بيل كي كسيليردي نفسيم.
اودا باخماقلا منه گؤزلري دولدو
ساراليب هئيوا كيمي ، گول كيمي سولدو.
آغلاديق هر ايكيميز ياش توكنينجه
بو صداقتلي سئوينجه
گؤزو آغلار سسي سيزلارديله گلدي
سانكي بي دين ، دينه گلدي
دئدي ، سن هر نه دئميشدينسه اينانديم
سني مجنون كيمي سانديم
سني يانديرماغا يانديم
چوخ اوتانديم،
من سنين عشقينه لاييق دئييلم
بيه مندن سورا گؤز قاره سي يوخدور،
آيريليق دير يولوموز
چاره سي يوخدور.
بو سؤزايله گئدرك آتدي مني
قم ايله ، نيسگيل ايله قاتدي مني
آخ نئجه آغلاتدي مني.
بيرده اود توتدو يانان سيگاريلا جان
ياندي قلبيم اودونا ، توستوسونه عشق بوغولدو
وئرديگيم قول شرف سيندي اوغولدو
گلدي يورغون سره لندي
گؤزلريندن ياش الندي.
توتدو اوز تانريا ، قيشقيردي باغيردي:
هئچ كيمين سئوگيسيني باشقاسينا يار ائله مه
مني بوندان دا بؤيوك درده گرفتار ائله مه.
آغلاماقدان دا يورولدو
سيلدي گؤز ياشلاريني سوسدو بوغولدو
آچدي قم دفتريني قان ايله يازدي:
مني هئچ كيمسه اينانماز
سؤزومو درديمي قانماز
دوشر عاشيق اودا البت
هئچ كيم آنجاق ، بئله يانماز.
بابك اسدي
داغداغان

Ahmet Kaya
احمد کایا
Giderim
می روم
Artık seninle duramamBu akşam çıkar giderim

Hesabım kalsın mahşere Elimi yıkar giderim

Sen zahmet etme yerinden Gürültü yapmam derinden

Parmaklarımın üzerinden Su gibi akar giderim

Artık sürersin bir sefa Ne cismim kaldı ne cefa

Şikayet etmem bu defa Dişimi sıkar giderim

Bozar mı sandın acılar Belaya atlar giderim

Kursun gibi mavzer gibi Dağ gibi patlar giderim

Kaybetsem bile herşeyi Bu aşkı yırtar giderim

Sinsice olmaz gidişim Kapıyı çarpar giderim

Sana yazdığım şarkıyı Sazımdan söker giderim

Ben ağlayamam bilirsin Yüzümü döker giderim

Köpeklerimden kuşumdan Yavrumdan cayar giderim

Senden aldığım ne varsa Yerine koyar giderim

Ezdirmem sana kendimi Gövdemi yakar giderim

Bettua etmem üzülme Kafama sıkar giderim
دیگر نمی توانم با تو بمانم امشب بیرون زده می روم

حسابمان برای روز محشر بماند دستم را شسته و می روم

تو از جایت حرکت نکن (زحمت نکش) از اعماق دلم داد نمی زنم

بر روی نوک انگشتم مثل آب روان شده می روم

بعد از این لذت می بری نه جسمم مانده نه ظلمم

این دفعه شکایت نمی کنم دندانهایم را فشار داده می روم

فکر کردی که غمها من را داغون می کند تنم را به آتش زده می روم

مثل گلوله مثل مسلسل مثل کوه منفجر شده و می روم

اگر همه چیزم را هم از دست بدهم این عشق را پاره کرده می روم

رفتنم موذیانه نخواهد بود در را کوبیده می روم

ترانه ای را که برایت سروده ام از سازم کنده می روم

می دانی که نمی توانم بگریم رویم را برگردانده می روم

از سگها و پرنده ام از بچه ام روبرگردانده می روم

از تو هر آنچه که گرفته ام سرجایش گذاشته و می روم

خودم را پیش تو تحقیر نمی کنم سینه ام را داغ زده می روم

نفرینت نمی کنم نگران نباش گلوله ای در مغزم خالی کرده می روم